Sovuq payt boshlanishi bilan deraza oynalarida kondensat hosil bo‘ladi. Uyda maishiy asboblarning nosozligidan hamda deraza o‘rnatilishida ustalarning vijdonsiz ishi sababli derazatokchada ko‘lmaklar paydo bo‘lishi mumkin. Ustabor.uz ekspertlari deraza oynalarida kondensatning paydo bo‘lish barcha sabablarini sinchiklab tekshirib chiqishmoqda va ularni mustaqil ravishda bartaraf etishda yordam bermoqdalar.
* Kondensat paydo bo‘layotgan sovuq yuza haroratini shudring nuqtasi deb nomlaydilar. Standartizatsiya bo‘yicha ISO va EN Halqaro tashkilotlari harorat tez o‘zgarishi sababli sovuq paytda shishapaketlarning pastki ichki qismlarida kondensatning vaqtinchalik paydo bo‘lishiga yo‘l qo‘yadilar. Agar shishapaketning ichida kondensat paydo bo‘lsa bu shishapaketlar nogermetik va brak hisoblanadi. Bu haqda ishlab chiqaruvchiga xabar bering. Kafolat bo‘yicha brak tovarni almashtirish bepul amalga oshirilishi kerak.
1. Havoning yuqori namliligi
Deraza oynalariga tushuvchi kondensat xonadagi havoning yuqori namliligi haqida dalolat beradi. Havoning yuqori namliligi, xonadagi va deraza ortidagi (yoki shishapaket ichidagi) haroratning farqi xonaning eng sovuq yuzasida, ya’ni deraza oynasida, shudring tushishi bilan namoyon bo‘ladi. Shu tariqa havo ortiqcha namlikdan qutiladi.
* Havo namoligi ko‘rsatkichi mebel va texnikaning uzoq xizmat qilishiga qanday ta’sir etsa, uyda yashovchilarning sog‘lig‘iga xuddi shunday ta’sir etadi. Quruq havo nafas olish organlarining shilliq qavatiga, teri holatiga ta’sir etadi va charchoqni keltirib chiqaradi. Namligi yuqori havo esa allergik kasalliklar, bo‘g‘ma va rinitga sabab bo‘lishi mumkin. Yuqori namlikda kondensat deraza oynalarida qanday paydo bo‘lsa, uy ichidagi boshqa sovuq yuzali narsalarda ham xuddi shunday paydo bo‘lishi mumkin.
Xonadagi namlik va havo harorati havo aylanishi va isitish tizimlari yoramida moslashtiriladi, hamda bu ko‘rsatkichlar yashovchilarning faoliyatiga ham bog‘liqdir.
Derazalardagi kondensatning paydo bo‘lishi birinchi galda xona shamollatishga zarurat mavjudligi haqida dalolat beradi. Xonani shamollatishni tez-tez amalga oshirish kerak: kuniga kamida 15 daqiqa. Zamonaviy derazalar konstruksiyasi maxsus aylanuvchi deraza ruchkasi yordamida mikroshamollatish rejimi ko‘zda tutilgan. Tavaqa 0,5 – 1 sm ga ochiladi va haroratning tez o‘zgarishisiz xonadagi havo tinmasdan yangilanib turadi.
Agar deraza oynalari oshxonada yig‘layotgan bo‘lsa, u holda dudburonning sozligiga ishonch hosil qilish kerak. Ventilyatsion tizimning ishini tekshirishda panjaralar chang bilan to‘lib qolmaganligiga ishonch hosil qiling – ularni tozalang yoki almashtiring. Ventilyatsiya qo‘shnilarning xohishiga ko‘ra yopib qo‘yilgan bo‘lishi mumkin.
Xonada kirlarni quritish va derazatokchalarida gulli tuvaklarning yoki boshqa narsalarning borligi xuddi shunday havo namligini oshiradi. Tuvaklardagi yerning ho‘lligi va kirni quritishdagi suvning parlanishi sababli xonadagi namlik ko‘tariladi. Havoning yuqori namliligida derazaga narsalarning juda yaqin joylashishi derazatokchalarida mog‘or va zamburug‘larni hosil bo‘lishiga olib kelishi mumkin, bu ham sog‘liq uchun va deraza furniturasi uchun xavflidir.
Xonaning yangi ta’miri deraza oynalaridagi kondensatning paydo bo‘lishiga sabab bo‘lishi mumkin, chunki pardozlash materiallari quriyayotganda havoga ko‘p namlik chiqaradi.
Yilning sovuq vaqtida doimiy toza havo oqimini zich yopilgan derazalar bilan ham hosil qilsa bo‘ladi. Buning uchun derazalarda ventilyatsion oqim klapanlari o‘rnatiladi. Klapanlar har xil ko‘rinishda bo‘lishi mumkin va derazalarga o‘rnatilishdan oldin yoki keyin o‘rnatilishi mumkin.
*Agar siz eski yog‘och derazalarni yangi plastik derazalarga o‘zgartirgan bo‘lsangiz, u holda yangi deraza oynalarida kondensat hosil bo‘layotganligiga hayron bo‘lmang va ishlab chiqaruvchining oldiga urishish uchun yugurib bormang. Esda tuting, eski derazalardagi mayda tirqishlar tufayli xonada tabiiy ventilyatsiyani hosil qiligan va havoning namligini ko‘tarilishiga yo‘l qo‘ymagan.
Zamonaviy derazalar butunlay germetikdir va tirqishlarga ega emas, shuning uchun havoning yuqori namliligida yangi deraza oynalarida kondensat hosi bo‘ladi.
2. Havo konveksiyasining buzilishi
Xonadagi havo oqimlarining harakati quyidagicha amalga oshadi: iliq havo tepaga intiladi, o‘zining og‘irligi ostida sovuq havo pustga tushadi. Shuning uchun, isitish radiatorlari pastda o‘rnatiladi, konditsioner va ventilyatorlar esa – shiftga yaqinroq o‘rnatiladi. Shu yo‘sinda xonadondagi havo va issiqlik harakati doimo ushlab turiladi.
Havo konveksiyasi buzilganda shishapaket sovuq holda qoladi va uning yuzasida shudring paydo bo‘ladi. Konveksiyaning buzilishiga sabab isitish batareyasining yo‘qligi, va shu bilan birga batareyadan shishapaketga iliq havo oqimi kelishini yopuvchi keng derazatokcha bo‘lishi mumkin. Deraza oynalarida kondensatning hosil bo‘lishini bartaraf qilish uchun derazatokchani toraytirish yoki unda konveksion panjara uchun teshiklar teshish kerak. Past isituvchi batareya yoki derazadagi bezatilgan panjara borligi xonadagi iliq havo oqimining harakatini buzilishiga olib keladi.
Derazaning tepa qismiga ventilyatsion klapan o‘rnatilishi havo konveksiyasining buzilishi bilan kurashishi mumkin. Klapan orqali kiruvchi sovuq havo past tushadi va shu bilan deraza oldidagi havo oqimlarining harakatini tiklaydi.
3. Shishapaketning jamlanishi va xossasi
Tavaqaning yon tomonidagi ekssentriklar (sapf) borligi derazaning konstruksiyasini yozgidan qishkiga oltiqirrali kalit yoki boshqa uskuna yordamida o‘tkazish mumkin.
Yashash xonalarida birkamerali shishapaketlarni o‘rnatish tavsiya etilmaydi – ular past issiqlik izolyatsiyasiga egadirlar, shu sabab yilning sovuq paytida kondensat hosil bo‘ladi. Agar byudjet barcha derazalar uchun ikkikamerali shishapaketlarni xarid qilishni ijozat bermasa, u holda energiya tejovchi oynalar va ular orasiga inert gaz to‘ldirilgan birkamerali derazalardan foydalansa bo‘ladi. Namlik va havo haroratining yuqori darajada turuvchi oshxonalarda ikkikamerali shishapaketlar o‘rnatish yaxshi. Vakuum shishapaketlar yaxshiroq hisoblanadi. Yangi shishapaketlarni o‘rnatish xohishingiz bo‘lganda sizga faqat shishapaketni o‘zini o‘zgartirish kifoya, butun deraza konstruksiyasini almashtirish shart emas.
Derazalarda iqtisod qilmang, chunki ular o‘n yillar davomida sizning sog‘lig‘ingiz va uyingizga xizmat qiladilar. Ikkikamerali shishapaketlarni xarid qiling.
4. Derazalarni sifatsiz o‘rnatilishi
Qiyaliklarning noto‘g‘ri isitilishi, oqizishni o‘rnatish va tirqishlarni zichlash, muvozanatni ishlatmasdan derazalar montaji, sifatsiz zichlagich va furnitura yelvizakka va kondensat hosil bo‘lishiga olib keluvchi shishapaketning haroratini pasaytirishga sabab bo‘ladi.Ishonchli shishapaketlar o‘rnating va xonani muntazam shamollatib turish rejimiga rioya qiling, derazalar bo‘yicha malakali ustalarni bu yerdan tanlang.
