Barcha ota-onalar farzandlarining qulay va shinam muhitda o'sib, rivojlanishini istaydi. Shuning uchun ham bolalar xonasi interyeriga alohida e'tibor beriladi. Bunda barcha detallar hisobga olinadi.
Pol qoplamasini tanlash masalasiga kelsak, ota-onalar, birinchi navbatda, ustida kichkintoylari o'ynaydigan materialning ekologik tozaligi va xavfsizligiga diqqatlarini qaratadilar. Va, albatta, bugungi kunda bolalar xonasi uchun eng mashhur pol qoplamasi bu - laminatdir.
Bolalar xonasi uchun laminat tanlashdagi muhim talablar:
· kichkintoyga oʻz xonasi yoqishi kerak, shuning uchun pol qoplamasi jozibali ko'rinishga ega bo'lishi zarur;
· laminat ekologik toza va bolaning salomatligi uchun mutlaqo xavfsiz bo'lishi kerak;
· pol qoplamasi sirpanchiq boʻlmasligi kerak;
· bolalar xonasi laminati mustahkam, namlikka chidamli va tozalanishi oson bo'lishi kerak;
· kichkintoy xonasidagi pollar, albatta, iliq bo'lishi kerak.
Faqat yuqori sifatli laminatgina yuqoridagi talablarga javob beradi.
Xavfsizlik
Bu birinchi va eng muhim jihatdir. Pol qoplamasi tarkibida bolaning salomatligiga zarar yetkazadigan xavfli moddalar boʻlmasligi kerak. Pediatr-shifokorlar vinil plitkalarni bolalar xonasida ishlatishni umuman tavsiya etmaydilar, chunki uning tarkibi xavfsiz bo’lmagan aralashmalarga toʻla. Laminatga kelsak, uni tanlashda tarkibida formaldegidlar, atsetatlar va ftalatlar kabi zararli aralashmalar eng kam miqdorda bo’lgan qoplamalarga e'tibor berish kerak. Masalan, Turkiyaning
Floorpan laminati barcha xalqaro sifat standartlariga muvofiq bo’lib, tarkibida kam miqdorda E1 formaldegidi (bu yangi kesilgan yog'ochdagidan kam) mavjud. Floorpan laminat qoplamalarining xavfsizligi FSC va ED2020 sertifikatlari bilan tasdiqlangan.
Issiq va toza pol
Mittivoy kasal bo'lib qolmasligi va shamollamasligi uchun pollar issiqlikni saqlab turish qobiliyatiga ega bo'lishi kerak. Agar bolalar xonasida issiq pol tizimini o'rnatish rejalashtirilayotgan bo'lsa, u holda materialni issiq pol bilan ishlatish imkoniyatini tasdiqlovchi maxsus markirovkasi boʻlgan laminatni tanlagan maʼqul.
Floorpan laminati 28 darajagacha bo’lgan haroratga juda yaxshi bardosh beradi. Maxsus Uniclic qulflash tizimi tufayli esa, issiq pol tizimi bilan ishlatilganda deformatsiya bo’lmaydi. Bundan tashqari, bunday laminat alohida tozalash vositalariga muhtoj emas. Oddiy namlab tozalashning oʻzi kifoya, bu esa xavfsizlik va salomatlik uchun ayni muddao.
Pol qoplamasining mustahkamligi
Laminatning mustahkamligi deganda, uning mexanik taʼsirlarga chidamliligini ko'rsatadigan klassi tushuniladi. Buyumlarning tushib ketishi, qoplamaning sirtini qiradigan mashinachalar va parovozchalarni yurgizish holatlari muqarrar bo'lgan bolalar xonasi uchun 32-klassdagi laminat juda mos keladi. Albatta, tanlovni yog’ochning yuqori zichligiga ega boʻlgan mustahkamlikning 33-klassida toʻxtatishingiz ham mumkin. Umuman olganda, laminatning zichligi qancha past bo'lsa, foydalanish jarayonida shunchalik koʻp nuqsonlar paydo bo'ladi.
Suvga chidamlilik
Bolalar xonasida polning suv bilan haddan tashqari va uzoq vaqt aloqa qilishi koʻzda tutilmaydi. Ammo kichkintoy tasodifan yerga biror narsani to'kib yuborishi ehtimoldan holi emas, shuning uchun ham, to'liq xotirjamlik uchun bolalar xonasida namlik va suv umuman ta'sir qilmaydigan
suvga chidamli Floorpan laminati ham ishlatiladi.
Floorpan laminati — bolalar xonasi uchun ajoyib tanlov
Floorpan laminati bolalar xonasi uchun xavfsiz pol qoplamasi sifatida tanlov mezonlariga to'liq javob beradi. Chidamlilikning 32- va 33-klassi, sirpanmaydigan sirt, oson demontaj qilish va qayta o'rnatish imkoniyati - bular hali laminat pollarning barcha afzalliklari emas. Asosiysi, bolalar sog'lom bo'lishsin, ularning kichik shoʻxliklari esa kechirilishi kerak. Koʻz ochib yumguningizcha, kichkintoyingiz o'rta maktabni tugatgan boʻladi, uning xonasiga yotqizilgan
Floorpan laminati esa hali ham yaxshi holatda turadi.
