Mebelning joyini o‘zgartiring
Xonaning ko‘rinishini yaxshilash uchun yangi mebel sotib olish shart emas. Mebelni joyini o‘zgartirish mumkin. Kirish eshigi joylashgan devor bo‘ylab baxaybat javonlar va stenkalarni tarqatish mumkin. Interyerning katta jixozlari ko‘rinishi bo‘yicha kenglikni toraytiradi va uni og‘irlashtiradi, shuning uchun ularni ko‘zlardan yiroqroq tomonga surish yaxshi bo‘ladi. Barcha burchaklar va devorlar bo‘ylab mebellarni qo‘ymang. Bu zerikarli va xonani vizual qabul qilinishini buzadi. Ovqatlanish zonasini televizor oldidagi zonadan bo‘lish uchun mehmonxona o‘rtasiga divan joylashtiring. Yoki, shu usul bilan, birxonali xonadonda yotoqxonani mehmonxona zonasidan ajratish mumkin. Ovqatlanish stolini devordan surib oshxona interyerini yangilang. Komodlar, stullar,kitob tokchalari va boshqalarni o‘rinlarini osonlik bilan almashtiring. Xonaning har xil qismlarini zonalashtirish uchun pardadan foydalaning. Yotoqxona karavotini sharqda o‘rnatganingiz yaxshiroqdir.
Chiroyli yig‘ishtirib qo‘ying
Xonadon bo‘ylab sochib tashlangan mayda narsalar uyumi vokzaldagi betartiblik va hayot hissini uyg‘otadi. Shinamlik nol. Kerak bo‘lmagan narsalarni javon yoki omboxonaga joylashtiring, barcha kerakli bo‘lgan zarur narsalarni bezatilgan korobkalarga soling va xonada qoldiring. Bunday qutikalar sizga harajatlar keltiradi, ammo ular interyerning yangi elementi bo‘lib ham qoladi. Siz ularni o‘z qo‘lingiz bilan yasashingiz va bo‘yashingiz mumkin. Agar divan xonaning o‘rtasiga joylashgan bo‘lsa, u holda (oddiy) qutilarni uning orqasiga yashiring. Keng taxta toping va divan suyanchig‘i orqasida qutilar ustida qo‘shimcha tokcha tashkil eting.
O‘ralashuvchi simlar bilan hosil bo‘layotgan muammoga kreativ munosabatda bo‘ling. Tokchada mini elektrostansiya uskunalang yoki simlar yordamida bezatilgan element tashkil eting.
Kichkina tokchalar, qo‘shimcha g‘aladonlar va shunga o‘xshashlar yordamida oshxona, cho‘milishxonasi va yashash xonalarni tartibga keltiring.
Yig‘ishtirish vaqtida ko‘ngil va yurakka qadrli bo‘lgan ko‘pgina mayda-chuydalar topish mumkin. Ularni uzoqqa yashirmang, aksincha, barchasini ko‘rinib turishi uchun chiqarib qo‘ying. Sevimli fotosuratlar albomi yoki rasmlar (masalan, Instagram dan kvadrat fotolar) yoki ajoyib narsalar kolleksiyasi changli qutida tiqilib yotgandan ko‘ra tokchada qiziqroq ko‘rinadi. Sevimli kitoblarni original usulda xohlagan yuzada saqlang. O‘z xonangiz dizayniga ko‘proq qalbingizni kiriting. Xonadon ijaraga olingan bo‘lsa nima qilibdi, u yerda axir siz yashaysiz. Haqiqatdan ham uy sizniki bo‘lib qolishi uchun xonada o‘z individuallingizni aks ettiring.
Ranglar bilan o‘ynang
Xonadon odam yashamagan, begona va eski ko‘rinishini yo‘qotsin. Xonadonga ranglar uyg‘unligi yordamida yangi hayot baxshida eting: eski batareyalarni bo‘yang, tilla va kumush yarqiroq ranglarda mebel ushlagichlari va boshqa qismlarini bo‘yang, devorlarga vinil yopishtirgichlar yoki yangi gulqog‘ozlarni yopishtiring, eshiklarni bo‘yang. Interyerning alohida narsalarida ranglar uyg‘unligini xuddi shunday yaratish mumkin. Masalan: javonning ichki devorlarini bo‘yang yoki gazeta yopishtiring. Kreativ chiqadi! Bularning barchasini o‘z qo‘lingiz bilan jo‘shqin musiqa va do‘stlar davrasida qilishingiz mumkin.
Rang yordamida birxonali xonadonda xonani zonalarga bo‘lish mumkin. Birxonali xonadonni zonalashtirish haqida qo‘proq o‘qing.
Tekstilni almashtiring
Yangi karavot haqida orzu qilib xafa bo‘lmang. Yotarjoy anjomlarini almashtiring, rang-barang yostiqlarga e’tiborni qarating, yangi pled sotib oling va sizga hech qanday yangi krovat kerak bo‘lmaydi. Istak va imkoniyatlarga qarab yumshoq mebelning eski qoplamini yangilang, yangi pardalar va gilam sotib oling.
Yotoqxona uchun rangni Yotoqxonaning rangi va interyeri maqolasida tanlang.
Xonada katta rolni uning yoritilganligi o‘ynaydi. Eski xonadonlarning xonalarida atiga bitta qandil uchraydi. Bunday yoritilganlik uyqu oldidan kitob o‘qish yoki stolda ish bilan shug‘ullanish uchun yetarli bo‘lmaydi. Albatta, qandilning eski lampochkalarini yuqoriroq kuchlanishli yangilariga almashtiring. Shu bilan birga siz qayerda ko‘proq yorug‘lik bo‘lishiga ahamiyat bering, o‘zingizni bra, torsherlar va stolusti qorachiroqlar bilan ta’minlang. Qorachiroqlarni tanlashga kreativ yondashing. Xonaga ko‘proq yorug‘lik tushishi uchun shaffof yoki yorug‘ pardalar osing. Yaxshi yoritilganlik xonani tanib bo‘lmas darajada qiyofasini o‘zgartirishi mumkin va unda uyg‘onish yanada yoqimli bo‘ladi.
Tabiatga murojaat qiling
Xonalarni xona gullari yordamida tiriltiring va yasating. O‘z individualligingizni namoyish qiling va xona gullari uchun bezatilgan tuvaklar yordamida xonadonni yashnating. Shu bilan birga, gullar xonadonga tetiklik va yoqimli hid olib kiradi. Shu o‘rinda shuni etish zarurki, 2017 yilning bosh trendi bo‘lib interyerni tabiiy materiallardan va haqiqiy elementlardan foydalanish alohida o‘rin egallamoqda.
Hissiyotlarni yoqing
Biz nafaqat yeymiz va uxlaymiz, balki his ham qilamiz. Musiqa va iforlar yordamida o‘z kayfiyatingiz va tuyg‘ularingiz haqida qayg‘uring. Uyda bo‘lganingizda musiqani yoqing. Ovqat tayyorlash, xonadonni yig‘ishtirish yoki mehmonlarni kutib olishga mos keluvchi musiqa sadolari ostida ancha quvonchliroq bo‘ladi. Yoqimli iforlarga boy xonadonda esa bo‘shashish va ish sharoitidan uy sharoitiga ko‘nikish oson kechadi.
Yashayotgan hududingizni yaxshilashga bir necha juft dam olish kunlarini ajrating va siz uy ijaraga olinganligini esdan chiqarasiz va shaxsiy burchagingizga ega bo‘lasiz. Agarda sizda biror bir narsa buzilsa yoki siz noyob mebel yoki interyerni hosil qilmoqchi bo‘lsangiz malakali dizayner va ustalarni Ustabor.uz katalogidan tanlang.
