Ustabor katalogida qurilish ustalarining yangi toifasi paydo bo‘ldi – interer dizaynerlari. Biz ustalar bilan yaqinroq tanishib ishlari, xobbilari va maxfiy loyihalari bilan tanishishiga qaror qildik. Sizga to‘rtta mutaxassislarni ularning dizayner sifatida shakllanishdagi qiziq hikoyalari bilan taqdim etmoqdamiz.
Mixail Shultin
Men yoshlikdan rasm chizishga va o‘z qo‘llarim bilan biror narsa yasashga qiziq kelganman. Maktabni bitirgandan so‘ng mening oldimda oshpaz-qandolatchi yoki haykaltaroshga o‘qish tanlovi paydo bo‘ldi. Men ikkinchisini tanladim va keyinchalik haykallar yaratishga buyurtmalar olishni boshladim. Keyinroq men 3D skulpting bilan qiziqa boshladim. Shu tarzda men o‘zimning birinchi ishimga tushdim va interer va eksterer vizualizatsiya bilan shug‘ullana boshladim. 6 yildan oshiq vaqt o‘tdi va hozirda o‘zim uchun ham dizayner va ham arxitektorman. Mening hisobimda O‘zbekiston bo‘ylab va Respublikamizdan tashqari yuzdan ortiq xususiy uylar, parklar loyihasi, sanatoriy va xususiy klinikalar, mehmonxona va ko‘p qavatli uylar kompleksi bor. Kelajakda erishganlarimda to‘xtab qolish rejam yo‘q, kompyuter o‘yinlari sohasiga qo‘shilmoqchiman. Mening ma’lumotim o‘rta maxsus; milliy oliy o‘quv yurtlarida o‘qishdan maqsad ko‘rmayapman. Agar oliy ma’lumotni olish bo‘lsa, u holda faqat horijda. Afsuski, bizda kerakli bo‘lgan bilim darajasini hatto pulga ham berisha olmayapti. Buyurtmalar haqida gapiradigan bo‘lsam har xil holatlar bo‘lib turadi. Ko‘pincha sotishda ishtirok etmasdan mendan 3D loyihalashtirish talab etilayotgan bo‘lsa vositachilar orqali buyurtmalarni olaman. Meni to‘liq kirishib ketishli loyihalar xursand qiladi: buyurtmachi bilan materiallar tanlashga boraman, dizaynerlik nazoratini olib boraman. Bunday loyihalar tugagandan so‘ng amalga oshirgan ishingdan ma’naviy qoniqish olasan. Ammo bunday buyurtmalar kamayib ketmoqda, odatda, buyurtmachiga uning loyihasi ustida dizayner ishladi degan gap kerak. Kamdan kam eksklyuziv loyihalarni tadbiq etish mumkin bo‘lmoqda. Buyurmachilarning o‘zi xohlamasligi bo‘lib turadi (bizda olomondan ajralib chiqishni yoqtirishmaydi), ba’zida mahalliy boshqaruv organlari ruxsat berishmaydi. O‘zbekistonda dizaynerlar talabgor emas deb aytolmayman. Biz talabgormiz. Faqat buyurtmachilar bizning bilimimiz va tavsiyalarimiz uchun pul to‘lashsa ham so‘zlarimizga quloq solishga o‘rganmaganlar. Mening ishlarimni ko‘ring. Hamma yaxshi va qiziqlarini ko‘rsata olmayman, chunki ba’zi buyurtmalarni qat’iy konfedensial bajarganman. Mixail profiliga o‘tish.
Muxammad Xamidov
15 yoshimda o‘zimning birinchi omadli loyihamni amalga oshirish baxtiga muyassar bo‘ldim. Menga shahar qahvaxonasining dizaynini buyurtma qilishdi, hozirgi kunda o‘zida yagona va muvaffaqiyatli bo‘lib qolmoqda, va doimiy mijozlar so‘zidan eng shinam joy etib tan olingan. Interer dizaynini Rossiya Dizaynerlari Soyuzining rahbari va raisining ziyrak boshqaruvi ostida Sankt-Peterburg sanoat texnologiyalari va dizayn davlat universitetida o‘qishni davom ettirdim. Studentlik davrimda “Dizaynerlar O‘yini” umumrossiya konkursida yarim final bosqichigacha borish va ikkinchi o‘rinni egallash nasib etdi. Loyihalarimning asosiy qismini Sankt-Peterburg, Moskva va Yevropada bajardim. Jamoa uchun mo‘ljallangan joylar uchun interer dizaynlarini ishlab chiqishni afzal ko‘raman. Meni bunday murakkab loyihalar jalb qiladi, va shu bilan birga mening ishimni ko‘pchilik insonlar ko‘rishi va baholashi mumkin. Bu esa ancha ahamiyatga ega bo‘lgan faktordir. Muvaffaqiyat bilan intererlar yarataman va xususiy uylar uchun ham, ularning dizaynida funksionalizmga erishishga harakat qilaman. O‘zim uchun loft stilini tanlayman. Men yaxshi dizaynerlar doim talabgordir deb hisoblayman, chunki loyihalashtirish va dizaynning asl mohiyatini tushinuvchi mutaxassislar juda kam. Mana, masalan, kechagina menga potensial buyurtmachi qo‘ng‘iroq qildi. U bilan ob’ektda uchrashganimda uni xonadon egasi emas, ish boshqaruvchi ekanligini bildim. Xonadon egasi (bank uyida) shahardan chiqib ketgan va uni Internetdan olingan fotosurat bo‘yicha ishlash uchun ish boshqaruvchiga tashlab ketgan. Bu xonadonda hech qachon o‘lchovlar o‘tkazishmagan, ammo ular qandaydir mo‘jiza bilan nimagadir kommunikatsiyalarni teshishgan va to‘siqni buzib tashlashgan, uy egasi esa oshxona va dahlizga javon buyurtma bergan. O‘lchamlar olmasdan! Hozir uy egasi shaharda yo‘q, ustalar esa qo‘llarini har tomonga yoyib yordam so‘rashmoqda. Mijozni va uning tilaklarini tushunish uchun menga uchta narsa yordam beradi: psixologiyadagi chuqur bilimlarim, o‘zim tomondan shaxsiy ishlab chiqqan “kayfiyat doskasi” turidagi algoritm, va albatta tajriba.Men qiyinchiliklardan qo‘rqmayman va har xil loyihalarga kirishaman – kichkinasidan tortib kattasigacha. Mening kasbim bizning dunyoni yanada chiroyliroq qilish imkoni berayotganiga xursand bo‘laman. Muxammad profiliga o‘tish.
Kamola Nazarova
Yoshligimda men chiroyli uylarni va albatta ularning atrofida chiroyli landshaft bo‘lishi va uzoqroqda bolalar maydonchalarda o‘ynayotganligini chizishni yaxshi ko‘rardim. Esimda, kim bo‘lishimni mendan so‘rashganda, men o‘z suratlarimdaka xuddi shunday chiroyli uylar yarataman deb javob berardim. U paytda bolalar dizayner kasbi borligini bilishmasdi. Ammo men darhol dizayner bo‘lganim yo‘q.Aviatsion texnikumni tugatganimdan so‘ng, men 2 yil aeroportda ishladim. Menda davlat muassasida ishlash tajribasi ham bo‘lgan, bu yerda men bularning barchasi meniki emasligini tushunib yetdim. Men ijodiy shaxsman va go‘zallik yaratishni yaxshi ko‘raman. Bolalikdagi orzuimni amalga oshirish va o‘z potensialimni amalga oshirish niyatida hammasini tashlab K.Bexzod nomli Rassomlik va Dizayn Milliy institutiga kirdim. Uchinchi bosqichda dizayner bo‘lib ishlashni boshladim. Mijozlar bilan ishlashda ichki his va psixolog ko‘nikmalari pand bermaydi. Men psixologiya bo‘yicha kitoblar o‘qiyman. Men buyurtmachi aynan nimani xohlayotganini tushunishim osondir. Ba’zida buyurtmachi o‘zi nimani xohlayotganligini bilmaganda tushunish qo‘ldan kelmoqda. Men barcha tipdagi xonalarning dizayni bilan shug‘ullanaman va har bir loyiha o‘zicha qiziq. Mening 10-yillik dizayner bo‘lib ishlash tajribam menga ko‘p unutilmas loyihalar va xotiralarni hadya etdi. Albatta, o‘zimning uyim uchun dizaynni “o‘z boshimdan” amalga oshirdim. Haqiqatda, barchasi 3D-vizualizatsiyasiz bo‘lib o‘tdi, chunki o‘zing uchun hech qachon vaqt qolmaydi. Ammo amalga oshirish vaqtida ustalarni men qanday ko‘rayotgan bo‘lsam hammasini xuddi shunday qilishlarini talab qilib qiynadim. Hozir esa uyimning har bir mehmoni uyimga qarab bu yerda dizayner yashayotgani bilinib turganligini ta’kidlab o‘tishadi. Ularning ta’sirlangani va hayratlanganligini ko‘rib bolalikdagi orzuimni amalga oshirganligim va interer dizayneri bo‘lganligim doimo xursand qiladi. Mening kasbim menga og‘irlik qilmoqda deb aytolmayman. U ham men kabi ijodiydir. Ishdan bo‘sh vaqtda qizim bilan latinoamerika raqslari maktabiga boramiz, turmaklar va makiyajlar qilamiz, kino va teatrga boramiz. Kamola profiliga o‘tish.
Aleksey Komarov
Mening o‘zimga xos xususiyatim shundaki, men deyarli barcha buyurtmalarni qo‘lda bajaraman. Maktabda mening sevimli darsim chizmachilik bo‘lgan, chunki men chizishni juda yaxshi ko‘raman. Kolledjni tugatgunimga qadar va kompyuterda multimediyali materiallarni yaratish bo‘yicha professional ko‘nikmalar olguncha arxitektura va dizayn bo‘yicha adabiyotlarga qiziqqanman. Keyinchalik mening qiziqishim va xobbiyim professional faoliyatga o‘tdi. Dizayn bilan uzluksiz 5 yil shug‘ullanib kelmoqdaman. Bu vaqt ichida 30ga yaqin buyurtmalarni amalga oshirdim. Men ko‘proq uylar va dalaxovlilarning fasadi bilan ko‘proq ishlashni xush ko‘raman, hamda landshaft dizaynidan mamnunlik olaman. Tabiatni yaxshi ko‘raman. O‘z ishimga butun professionalligim bilan e’tibor beraman va loyihani shaxsiy hissiyotlarimni buyurtmachi bilan har doim bo‘lishaman. Keyin biz bir-birimizga umumiy xulosaga kelamiz. Natijada buyurtmachiga va men yoqqan loyiha chiqadi. Ish bo‘yicha o‘z shartlarimni har bir buyurtmachi bilan yakkama-yakka kelishaman va har bir loyihaga noodatiy yondashuv topishga harakat qilaman. Butun O‘zbekiston bo‘yicha ishlayman va xorijiy buyurtmachilar bilan ishlash tajribasiga egaman. Hozirgi paytda frilanser bo‘lib ishlamoqdaman, chunki yaqinda shaxsiy firmamni ochaman.
Ustabor.uz katalogida sizga kerakli bo‘lgan ustalarni tez va bepul toping.
