Qanday amalga oshiriladi

Sovuq kunlar kelgach, hatto isitiladigan xonalarda ham poldan chiqayotgan zax sezilib turadi. Gilamlar, palos va gilamchalar bunga qarshilik qiladi, lekin yetarlicha emas.

Shunday ekan, xonadonimiz yoki uyimizda qulay va butun oilamiz uchun bexavf bo‘lishi uchun nima qilish kerak? Mutaxassislarimiz doimo xizmatga shaylar va polni istish bo‘yicha amaliy maslahatlar berishga tayyordirlar.

Issiq pollarning qanday turlari bor?

• Suvli – issiq pollarning eng tejamkor shakli. Issiqlik ta'minoti tizimi barcha binoni yoppasiga emas, balki faqat muayyan qismlarinigina ulash imkonini beradi.
• Yog‘ochli – klassik. Issiqni ushlashi uchun ikki qatlam qilib taxta tashlash kerak, bittasi yetarli bo‘lmasligi mumkin.
• Elektrli – uzoq muddatli. Ular, o‘z navbatida, turli toifalarga bo‘linadi:

— kabelli – har qanday polusti qoplamasi ostiga o‘rnatish mumkin. Narxi bino o‘lchamiga bog‘liq. Xizmat muddati – taxminan 50 yil.
— isituvchi matli. Bunday pollarning asosi – isituvchi bo‘lmalarga ega shisha to‘r. Ham sementli qoplama ostiga, ham ustiga o‘rnatish mumkin. Xizmat muddati – 50 yildan ziyod.
— infraqizil yoki plyonkali. Yupqa issiqo‘tkazuvchan plyonkadan iborat bo‘lib, unga isitish tizimi kavsharlangan bo‘ladi. Polusti qoplamalari ostida mutlaqo sezilmaydi. Xizmat muddati uzoq emas – 15-20 yil.

Issiq pollar afzalliklari:

• biror-bir maxsus qurilma talab etilmaydi;
• buzilib qolsa, butun tizimni emas, bir qismini ta'mirlash imkoniyati;
• radiatorlar yo‘qligi;
• haroratni sozlash;
• uzoq muddatli xizmat;
• xonada turish qulayligi.

Kamchiliklari:

• polni 6-10 sm.ga ko‘tarish zarurligi;
• pol va mebel qoplamasi tabiiy materialdan bo‘lishi lozim, chunki, aks holda, qiziganda zararli moddalar tarqalishi mumkin;
• hamma polusti qoplamalari ham issiq pol uchun mos kelavermaydi.

Montaj uchun quyidagilar kerak:

• penopolistirol plitalari (penoplast);
• suv isitish quvurlari;
• zich polietilen;
• dempfer tasma;
• armaturali to‘r;
• keng qalpoqli samorezlar;
• plastik xomutlar;
• gofrili quvur.

Ish bosqichlari:

1. Suvli isitish joylashuvi chizmasini tuzib olinadi.
2. Axlatdan tozalash va balandlikning keskin o‘zgarishi tekislanadi.
3. Yuzani gidroizolyasiyalash, chekkalarga polietilen tasmalar qo‘yiladi.
4. Chekkalar depmfer tasma bilan mahkamlanadi, ular devorga samorez bilan qotiriladi.
5. Issiqlik izolyasiyasi – penoplast plitasi to‘shaladi.
6. Penoplast yuzasiga armaturali montaj setkasi qo‘yiladi.
7. Suvli istish trubasini montaj to‘riga xomutlar bilan o‘rnatish chizmasi bo‘yicha mahkamlanadi.mahkamlanish masofasi – 40 sm.
8. Quvurning beton qoplama ustiga chiqish joyi gofrili quvur yoki maxsus burchaklar bilan mahkamlanadi.
9. Chiqish quvurlari perpendikulyar kesiladi, biriktiruvchi fiting kiygaziladi va ular tashlama gayka bilan kollektorga ulanadi. Barcha konstruksiya gaz kaliti bilan mahkamlanadi.

Yodda tuting: tizimli isitish konturlarning turli uzunlikdaligi tufayli, ularda bosim turlicha bo‘ladi. Bosimni muvozanatlash uchun kollektordagi himoya qalpoqchalari yechiladi va ishchi bosim sozlanadi.

Beton qoplama quyishdan oldin tizimning germetikligi tekshirilishi kerak! Buni siqilgan havo va kompressor yordamida amalga oshirish mumkin.

Qoplama quyish:

1. Suvli issiq pol tizimi ulanadi. Ish jarayonida u ishchi bosim ostida bo‘lishi kerak.
2. Sementli-qumli yoki beton aralashmali qoplamani quying va oldindan qo‘yilgan mayoqlarga qarab tekislang. Quvurlar ustiga yotqiziladigan beton qoplamaning minimal qalinligi – 0,5 sm.

Issiq polning qanday turini tanlasangiz ham, uning montajida Katalogdagi bizning ustalarimiz yordam berishga doim tayyorlar.