Buxoroning diqqatga sazovor joylari va maftunkor tabiati barcha qitʼalardan millionlar turistlarni ohanrabodek oʻziga tortadi. Ammo, Markaziy Osiyoning ushbu qadimiy shahridan olinadigan taasurotlarga soya soluvchi bir holat mavjud.
Masalan, «KNAUF GIPS BUXARA» MCHJ XK zavodiga qarab ketgan yoʻl boʻylab choʻlda baklajka, paket, shisha va boshqa chiqindilar sochilib yotibdi. KNAUF kompaniyasi Qorovulbozor shohyoʻli chetida chiqindi uchun sakkizta konteyner oʻrnatib, muammoni hal qildi.
Saralanmagan va qayta ishlanmagan chiqindilar chiqindixonaga joʻnatiladi. Bu –tashlangan chiqindilar togʻ boʻlib uyulib yotgan koʻlansa hududdir. Vaholanki, bunday chiqindilardan har biri suv, tuproq va oʻsimliklarni zaharlaydi, butun tirik jon uchun ulkan xavf-xatarni jamlagan. Nafaqat yerusti, balki yerosti suvlari ham ifloslanadi. Ifloslanish chiqindixonadan yon-atrofidagi 5-7 km masofani qamrab oladi. Shamol yoʻnalishi bilan birga suzuvchi zaharli tutun buluti yaqin joylardagi insonlar yashaydigan hududni bosadi.
Chiqindilarni ishlashning yangi tizimini yaratish
Hammasi unchalik yomon emas, davlat va biznesning chiqindilar muammosini hal qilish borasida hamkorligining muvaffaqiyatli misollari ham bor. Masalan, 2018 yilning 28-29 sentyabr kunlari KNAUF kompaniyasi tarafidan chiqindi konteynerlarini oʻrnatish boʻyicha ekologiya tadbiri tashkillashtirilib, oʻtkazildi. Tadbirga, Antuan de Sent-Ekzyuperining «Kichkina shahzoda» asaridan olingan ilhomlantiruvchi jumla shior qilib olindi: «Tongda turib, yuvinib, oʻzingni tartibga keltirdingmi – darhol oʻz sayyorangni ham tartibga keltir».Konteynerlarni yaratishda hududning xususiyatlari ham hisobga olindi. Konstruksiyalardan har biri betonga mustahkam mahkamlangan. Faqat chiqindi chiqarish xizmatining konteynerlar bilan ishlashga imkoni bor. Darvoqe, KNAUF kompaniyasi kommunal xizmatlarning haqini toʻlab beradi.
Uchta yorqin rangli yorugʻlikni qaytaruvchi konteynerlar chiqindini solish uchun maxsus teshiklarga ega. Yashil konteyner shisha va plastik idishlarni utillashtirishga, toʻq sarigʻi maishiy, koʻk ranglisi esa qogʻoz chiqindilarga moʻljallangan.
