2020 yil 30-iyundan boshlab eng ommabop ROTBAND® gipsli suvog’i yangi qadoqda ishlab chiqarilmoqda.
KNAUF kompaniyasi 11 yil ichida ilk bora KNAUF-Rotband suvoq qoplari dizaynini o'zgartirdi. Ishlab chiqaruvchi taniqli ranglar va tasvirlarni saqlab qoldi, ammo elementlarning joylashuvini o'zgartirdi. Yangi qadoqdagi mahsulotlarning birinchi partiyasi 2020-yil 30-iyunda Buxoroda konveyerdan chiqdi.
Dizaynning o'zgarishi nemis ishlab chiqaruvchisining kontrafaktga qarshi kurashish choralari doirasida amalga oshirildi. Yaqin vaqt ichida O'zbekistondagi KNAUF kompaniyasi o'zining barcha gips qorishmalari qadog’i dizaynini o'zgartiradi.
"KNAUF-Rotband bizning mahsulotlarimiz orasida qalbakilashtirilishlar soni bo'yicha yetakchi hisoblanadi. Umid qilamizki, yangi qadoq hech bo'lmaganda qalbaki mahsulotlar oqimini vaqtincha to'xtatadi, chunki asl bo'lmagan suvoq sotib olib, iste'molchi KNAUF kompaniyasi tomonidan e'lon qilingan nemis sifatidan foydalana olmaydi. O'tish davri oktyabrgacha davom etishini taxmin qilyapmiz. Ushbu vaqt oralig’ida 30-iyundan oldin chiqarilgan partiyalar to'liq sotilmaguncha eski va yangi dizayndagi qopchalar qurilish bozorlarida uchrab turadi”, — dedi O'zbekistondagi KNAUF korxonasining rahbari Dmitriy Deripalko.
Asl ROTBAND® suvog’ini quyidagi xususiyatlar bilan farqlab olish mumkin:
- nomi — ROTBAND®. Qalbaki mahsulot ishlab chiqaruvchilar “Rodben”, “Rodban” va boshqa buzilgan variantlardan foydalanadilar;
- o'ramda ® belgisi mavjud bo'lib, bu nom patentlanganlikni anglatadi;
- mahsulot ishlab chiqarilgan sana (kun, oy, yil) va vaqt (soat, daqiqa, soniya), ishlab chiqaruvchining nomi va aloqa ma’lumotlari aniq bosilgan;
- shtrix kod mavjud.
Mahsulotning asl mol ekanligiga shubha tug'ilgan taqdirda, xaridor muvofiqlik sertifikati nusxasini rasmiy dilerdan yoki chakana savdo do'konining sotuvchisidan talab qilishga haqlidir.
KNAUF kompaniyasi haqida:
KNAUF — oilaviy biznes tamoyillariga asoslangan va global miqyosda faoliyat yuritishiga qaramasdan, ushbu qadriyatlarini saqlab qolishga muvaffaq boʻlganxalqaro kompaniyadir. Bugungi kunda KNAUF xalqaro guruhi qurilish materiallarini ishlab chiqaruvchi dunyodagi eng yirik kompaniyalaridan biri hisoblanadi. 1993-yilda KNAUFning Rossiyadagi investitsiya faoliyati boshlandi, keyinchalik Ukraina, Qozogʻiston, Oʻzbekiston, Ozarbayjon va Gruziyada korxonalar sotib olina va tashkil etila boshlandi. Marketing faoliyati MDH ning deyarli barcha mamlakatlari, Gruziya va Moʻgʻulistonda davom etdi. MDH mamlakatlaridagi KNAUF korxonalari zamonaviy asbob-uskunalar bilan jihozlangan boʻlib, yagona ishlab chiqarish mezonlari asosidayuqori sifatli qurilish materiallari ishlab chiqaradilar.Oʻzbekiston, MDH mamlakatlari va dunyodagi KNAUF guruhi haqidagi batafsil maʼlumotni quyidagi veb-saytlardan topishingiz mumkin: www.knauf.uz, www.knauf.ru, www.knauf.com.
