Uyning ichki ko‘rinishini butunlay o‘zgartirish uchun, ba’zan uydagi mebellarni yangilashning o‘zi yetarli. Toshkent shahrida uslubi, o‘lchami va narxi bo‘yicha mos keladigan mebellarni do‘kondan xarid qilish yoki Toshkentda buyurtma asosida arzon narxda mebel yasaydigan mutaxassisni topish mumkin.
Saytda «buyurtma uchun mebel» toifasi bo‘yicha jami 790 nafar hunarmand ro‘yxatga olingan. Mutaxassislarning anketalarida siz ular bajargan ishlarning fotosuratlarini ko‘rishingiz, ularning ishi haqidagi sharhlarni o‘qishingiz va hatto mebel tayyorlash narxlarini taqqoslashingiz mumkin. Shuningdek, saytda talabnoma qoldirishingiz mumkin va bir necha daqiqa ichida mebel ishlab chiqaruvchi mutaxassislar siz bilan bog‘lanib, o‘z xizmatlarini taklif qiladilar. Siz faqat o‘zingizga to‘g‘ri keladiganini tanlashingiz kerak.
Mebelni buyurtma qilgan yaxshimi yoki do‘kondan xarid qilganmi?
Tayyor mebelni sotib olish paytida, ko‘pincha ma’lum bir xonaga yaxshi mos keladigan o‘lchamdagi mebelni tanlash qiyin. Bundan tashqari, kerakli to‘plamga, rang va fakturaga ega mebellar shunchaki sotuvda mavjud bo‘lmasligi mumkin. Bu holda xaridor tanlov qilishi: sotuvdagi mavjud mebelni olishi yoki Toshkentda mebelga buyurtma berishi kerak bo‘ladi. Kunlardan birida ichki ko‘rinishi bo‘yicha uyingizga juda o‘xshaydigan joyga kirib qolishni xohlamaysizmi? To‘g‘ri, kerak ham emas! Toshkentda buyurtma asosida tayyorlanib, xona ichiga o‘rnatiladigan mebellar, albatta, uyingizga alohida va o‘ziga xos ko‘rinish beradi.
Buyurtma uchun tayyorlangan mebel xonaning barcha xususiyatlarini hisobga olgan holda alohida o‘lchamlarda yaratiladi. Korpusli, oshxona yoki yumshoq mebel aynan buyurtmachining shaxsiy istaklariga va mebelni ichki jihozlarga moslashtirishga imkon beradigan xususiyatlarga muvofiq tayyorlanadi. Bundan tashqari, eksklyuziv mebel o‘ziga xos jozibaga ega bo‘lib, interyerning betakror bo‘lishini ta’minlaydi.
Buyurtma qilingan mebel do‘kondagi mebeldan qanday farq qiladi?
Buyurtma uchun mebel toifasidagi mutaxassislar mebelni keyinchalik o‘rnatish bilan loyihalash va tayyorlashga ixtisoslashgan. Ishlab chiqarishda buyurtmachining xohishiga ko‘ra yuqori sifatli materiallar qo‘llaniladi, alohida qismlarga ishlov berish esa maxsus jihozlar va asboblar yordamida amalga oshiriladi. Ustalar xona ichini jihozlashda ranglarni birlashtirish va uyg‘unlashtirish qoidalarini yaxshi biladilar. Toshkentda hech ikkilanmasdan mebelga buyurtma berishingiz va natijada namunaviy modelga emas, balki ijodiy yondashuv bilan yaratilganlik hissini paydo qiluvchi kreativ va qulay mebelga ega bo‘lishingiz mumkin. Ixtisoslashgan do‘konlarda sotiladigan oddiy mebeldan farqli o‘laroq, buyurtma qilingan mebel qator afzalliklariga ega:
• Yuqori chidamli. Mebel uzoq vaqt foydalaniladigan buyumlarga kiradi. Buyurtma bo‘yicha mohir usta tayyorlagan mebel esa, katta hajmlarga mo‘ljallangan ishlab chiqarish liniyalarida emas, balki usta tomonidan qo‘lda kesilib, yig‘ilgani uchun uzoqroq xizmat qila oladi.
• Yanada jozibali. Ommaviy ishlab chiqarilgan mebellarda bir-biriga o‘xshash modellar ko‘p uchraydi, alohida loyiha bo‘yicha tayyorlangan mebellar esa yanada chiroyli ko‘rinishga ega.
• Individuallik. Uyingizga mo‘ljallangan noyob mebelga buyurtma berish orqali xuddi shu mebelni qo‘shnilar yoki tanishlarning uyida uchratmasligingiz aniq. Chunki, masalan, buyurtma uchun oshxona mebellari alohida o‘lchamlarga va buyurtmachining didiga qarab tayyorlanadi va uni do‘kondan sotib ololmaysiz.
• Ko‘proq imkoniyatlar. Toshkentda mebelni buyurtma qilish arzon bo‘lib, bozordagi assortiment bilan cheklanmaydi. Toshkentda mebelga buyurtma berish orqali buyurtmachi taklif etilgan ko‘plab g‘oyalar orasidan o‘ziga yoqqanini tanlab oladi.
• Ko‘p qirralilik. Bunday mebel xona ichini bezashning deyarli barcha, ya’ni klassik va neoklassik, loft, modern, xay-tek, provans uslublariga mos keladi. Oshxona, yotoqxona, mehmonxona, bolalar xonasi, dahliz, vannaxona va boshqa xonalar uchun mebelni buyurtma qilish mumkin.
• O‘ziga xoslik. Buyurtma asosida tayyorlangan mebelning o‘ziga xosligi uy yoki xonadon egasining nozik didini ko‘rsatib, xonaga betakrorlik baxsh etadi. Shuningdek, agar uyingizning boshqa yuzlab uylarga o‘xshamasligini istasangiz, o‘z sohasining ishonchli mutaxassislariga mualliflik ishi mebellarini buyurtma qiling. Filtrda qayd eting: Farg‘onada mebelni buyurtma qilish, Samarqandda mebelni buyurtma qilish, Farg‘onada mebelni buyurtma qilish, Buxoroda mebelni buyurtma qilishni yoki O‘zbekistonning istalgan boshqa shahrini ko‘rsating, shunda o‘z shahringizdagi mutaxassislarning anketalari va aloqa ma’lumotlari mavjud bo‘lgan sahifa ochiladi.
• Yuqori sifat. Yaxshi mutaxassis o‘z obro‘sini qadrlaydi. Bundan tashqari, mebel sanoati ancha rivojlanib, natijada Toshkent shahrida oshxona mebellari va boshqa mebellarni buyurtma asosida ishlab chiqarishga yuqori talablar qo‘yilmoqda. Bu ishlab chiqarishda sifat va chidamlilikka alohida e’tibor qaratilayotganidan dalolat beradi. Bunga esa yuqori sifatli materiallar, furnitura va boshqa detallardan foydalanmasdan erishib bo‘lmaydi.
Katalog mutaxassislari xona ichiga o‘rnatiladigan mebellarning alohida qismlarini va har qanday o‘lchamdagi, uslubdagi va xonalarga mo‘ljallangan mebel to‘plamlarini ishlab chiqish va tayyorlash xizmatlarini taklif qiladilar. Xonaning xususiyatlari, shuningdek, buyurtmachining mebelni qaysi faktura, shakl va rangdagi materialdan tayyorlanishini istayotgani hisobga olinadi. Buyurtmachining va mebel ishlab chiqaruvchi mutaxassisning bir-birini to‘liq tushunishi natijasida, ba’zan, narxi O‘zbekiston aholisi uchun hamyonbop bo‘lgan haqiqiy san’at asarlari paydo bo‘ladi.
Korpusli mebellarni tayyorlash: materiallar
Buyurtma asosida tayyorlanadigan mebellarga qo‘yiladigan talablar – jozibali tashqi ko‘rinish, mukammal sifat, qulaylik va chidamlilikdir. Faqat ishlab chiqarish jarayoni qoidalarini bilish, materiallar va ranglarni to‘g‘ri uyg‘unlashtira olish qobiliyati yordamidagina ushbu sifatlarga erishish mumkin. Mebel ishlab chiqarishdagi yangi texnologiyalar va materiallar ushbu sohaning naqadar tez rivojlanayotganini ko‘rsatmoqda. Bugungi kunda mebel ishlab chiqarish uchun eng ko‘p talab qilinadigan materiallarga quyidagilar kiradi: Yog‘och. Tabiiy yog‘och – bu alohida parvarishni talab qilmaydigan chidamli va ekologik toza tabiiy materialdir. Mebel ishlab chiqarish uchun: eman (dub), merbau, shumtol (yasen), buk, zarang daraxti (klyon), qizil yog‘och, olcha, olxa va boshqalar ishlatiladi. Yagona kamchilik materialning narxi bo‘lib, shu sababli yog‘och mebel arzon emas.
YoQP/LYoQP. Yog‘och-qipiq plitalar – mebel sanoatida eng keng tarqalgan materialdir. Uning tarkibi formaldegid smolalari bilan bir-biriga yopishtirilgan presslangan yog‘och chiqindilaridan iborat. Tashqi ko‘rinishini yaxshilash uchun materialning yuzasi laminatlangan. Hozirda har xil bezaklar orasida yog‘ochni takrorlovchi turi eng keng tarqalgan. Yog‘och-qipiq plitalarning afzalliklariga arzon narx, ishlov berish qulayligi, mexanik chidamlilik va uzoq vaqt xizmat qilishi kiradi. Mebelni arzon narxda buyurtma qilishni istasangiz, YoQP/LYoQPga e’tibor bering. Ammo shuni yodda tutingki, bunday mebel suv bilan uzoq vaqt aloqa qilishi natijasida o‘z shaklini yo‘qotadi va shishadi.
MDF. Sintetik yoki organik smolalar bilan aralashtirilgan maydalangan yog‘och chiqindilaridan ishlab chiqariladi. Bu material YoQP/LYoQPdan farqli ravishda namlikka chidamli bo‘lib, shu sababli ayniqsa oshxona mebellari (fasadlar) va vannaxona mebeli ashyolarini ishlab chiqarish uchun mos keladi.
Akril. Mebel ishlab chiqarishda ishlatiladigan ekologik toza materiallar toifasiga kiruvchi yagona sanoat polimeri deyish mumkin. Akril o‘zining quyidagi noyob xususiyatlari tufayli keng qo‘llaniladi:
• Yuqori mexanik chidamlilik;
• Maxsus bo‘yoqlarni qo‘shish orqali istalgan rangdagi mebellarni yaratish imkoniyati;
• Mukammal silliq yaltiroq yuzasi.
Toshkent shahrida buyurtma qilingan oshxona mebellarining fasadlarini va shkaf-kupelarni ishlab chiqarishda bu materialga talab katta. Ranglarning keng tanlovi va yaltiroq yuzasi tufayli akril zamonaviy interyerga juda mos keladi.
Toshkent shahrida va butun O‘zbekistonda buyurtma asosida tayyorlangan mebel narxlari qanday?
Toshkentda mebel narxlari: barchasi sizning rejalaringizga bog‘liq: yumshoq mebel, o‘rnatiladigan mebel, shkaf, garniturni buyurtma qilmoqchimisiz yoki Toshkentda rotangdan tayyorlangan mebelni sotib olmoqchisiz. Siz mebel tayyorlashni ishonib topshirgan usta dizaynga tegishli savollarni beradi, o‘z imkoniyatlarini taklif qiladi va o‘lchovlarni olib bo‘lgach narxni aytadi.
Buyurtma asosida mebel ishlab chiqarish narxi quyidagilarga bog‘liq:
- O‘lcham. Hisoblash uchun standart o‘lchov birligi – «pogon metr» ishlatiladi.
- Bir pogon metrning o‘rtacha narxi arzon furnitura bilan jihozlangan standart mebel o‘lchamlaridan kelib chiqadi. Mutaxassisdan quyidagilarni aniqlab olishni unutmang: modullarning chuqurligi va balandligi pogon metrning narxiga ta’sir qiladimi, shuningdek bu narxga masalan, stolning usti (qopqog‘i), tortmalar soni, furnitura, ochishlar soni va boshqalar kiradimi-yo‘qmi. Nostandart o‘lchamlar va burchak elementlarining mavjudligi buyurtma uchun tayyorlangan mebel narxini oshiradi.
- Material. Mebel ishlab chiqarish narxi u tayyorlanadigan materialga bog‘liq. Eng arzon mebellar YoQP, MDF, akrildan tayyorlansa, tabiiy yog‘ochdan, shuningdek metall va rotangdan buyurtma asosida tayyorlangan mebellar qimmatroq bo‘ladi.
- Tuzilishi. Nechta tortma va javonlar bo‘lishini xohlayotganingiz ham narxga ta’sir qiladi. Qo‘shimcha o‘rnatilgan va suriladigan saqlash joylari, karusellar va odatdagi to‘plamga kirmaydigan boshqa unsurlarning mavjudligi buyurtma asosida mebel ishlab chiqarish xarajatlarini oshiradi.
- Stolning usti (stoleshnitsa). Toshkentda ayrim ustalar oshxona mebellarini tayyorlash narxiga stolning ustini kiritadilar. Narxi materialga – akril, LYoQP, tosh, yog‘och, marmar ekanligiga bog‘liq.
- Furnitura. Ayniqsa furnitura hisobiga tejash mumkin emas! Standart pogon metr to‘plamiga eng arzon furnitura narxi kiritilgan bo‘ladi. Oshiq-moshiqlar, dovodchiklar, fiksatorlar va boshqa mexanizmlarga har kuni og‘ir yuklama tushadi, shuning uchun avval boshidan eng yuqori sifatlilarini qo‘yish kerak. Arzon furnitura bilan jihozlangan mebel tezda ishdan chiqib, uning egasi ta’mirlash uchun pul sarflashga yoki sifati past elementlarni butunlay o‘zgartirishga majbur bo‘ladi.
- Ko‘zgular. Ko‘zgularning soni va sifati narxda aks etadi.
- Mebel yetkazib berish va o‘rnatish. Ko‘pincha, mebelni yetkazib berish va yig‘ish buyurtma asosida tayyorlangan mebel narxiga kiritilgan bo‘ladi, agar mutaxassisning o‘zi mebelni uyingizda yoki ofisingizda yig‘ib o‘rnatgan bo‘lsa, u uning sifati uchun to‘liq kafolat berishi mumkin.
Mebel tayyorlash haqini qanday to‘lash kerak?
Odatda, mebel tayyorlash haqi quyidagicha to‘lanadi: O‘lchovlar olingandan va buyurtma detallari (o‘lchamlari, furnitura, murakkabligi va hk.) kelishilgandan so‘ng, buyurtmachi darhol buyurtma qilingan tayyor mebelning umumiy qiymatining 60 foizini to‘laydi. Qolgan qismi mebel yetkazilib, yig‘ilganidan keyin to‘lanadi.
Buyurtma asosida mebel tayyorlash narxlari:
Oshxona mebellari – 2 mln.dan 9 mln.so‘mgacha (bir pogon metr uchun)Shkaf-kupelar – 800 mingdan 3 mln.so‘mgacha (bir kv. metr uchun)
Mehmonxona mebellari – 800 mingdan 3 mln.so‘mgacha (bir kv. metr uchun)
Dahliz mebellari – 800 mingdan 3 mln.so‘mgacha (bir kv. metr uchun)
Ofis mebellari – 700 mingdan 3 mln.so‘mgacha (bir kv. metr uchun)
Stollar – 700 mingdan 3 mln.so‘mgacha (bir kv. metr uchun)
Kiyinish xonalari uchun – 700 mingdan 3 mln.so‘mgacha (bir kv. metr uchun)
Qo‘sh eshikli shkaflar – 700 mingdan 3 mln.so‘mgacha (bir kv. metr uchun)
Stenkalar – 700 mingdan 3 mln.so‘mgacha (bir kv. metr uchun)
Yumshoq mebel buyurtma bo‘yicha - 1 mln.dan 3,5 mln.so‘mgacha (metr)
Katalogda siz bitta buyumda turli materiallarni birlashtirish orqali istalgan g‘oyalaringiz va dizayn yechimlaringizni amalga oshira oladigan mutaxassislarning aloqa ma’lumotlarini topishingiz mumkin. Buyurtma asosida tayyorlangan mebel esa uzoq vaqt sizni o‘z jozibadorligi va funksionalligi bilan xushnud qiladi. Toifada shunchaki nima qilish kerakligini, masalan, Chirchiqda mebelni buyurtma qilish, Toshkentda mebelni buyurtma qilish, Andijonda mebelni buyurtma qilish deb belgilang. Yoki buyurtma qoldiring, shunda shahringizdagi mebel ishlab chiqaruvchi mutaxassislarning o‘zi sizga qo‘ng‘iroq qiladi.
