Laminat tanlashda nimalarni bilish kerak

Laminat eng mashhur pol qoplamalaridan biri bo‘lib, buning sababi materialning o‘rtacha narxi va sifatidadir.

Yuqori sifatli va xavfsiz laminatni qanday tanlash kerakligi haqida gapirib bermoqchimiz.

Laminat tufayli pol chiroyli va tartibli ko‘rinishga ega bo‘ladi, bunda katta moliyaviy xarajatlar talab qilinmaydi va uni terish ham qiyinchiliklar tug‘dirmaydi. Hamyonbop ekanidan tashqari laminat bir qator afzalliklarga ham ega:

• Namlik va to‘g‘ridan-to‘g‘ri quyosh nurlari ta’siri ostida uzoq vaqt xizmat qiladi;
• Zamonaviy ekologik toza material;
• Oson teriladi;
• Maxsus va qimmat tozalash usullarini talab qilmaydi.

Laminat tanlashning o‘ziga xos xususiyatlari

Yedirilishga chidamlilik klassi

Laminat — yotoqxona, mehmonxona, dahliz va oshxonalarda qo‘llanilishi mumkin bo‘lgan deyarli universal pol qoplamasidir.

Ma’lumki, laminat yedirilishga chidamlilik bo‘yicha klasslarga bo‘linadi: 31, 32 va 33. Shunday ekan, laminat tanlashda qanday bino uchun qo‘llashni rejalashtirayotganingizni hisobga olish juda muhimdir. Ya’ni, pol qoplamasi binoning foydalanish maqsadiga mos keladigan xususiyatlarga ega bo‘lishi kerak. Ba’zi xonalarda polning iloji boricha namlikka chidamli bo‘lishi muhim, baְ’zi hollarda u o‘ta mustahkam bo‘lishi kerak, qayergadir och rangli laminat kerak, boshqa joylarda esa, aksincha, to‘q ranglilari zarur.

Namlik va yuklanish darajasi yuqori bo‘lgan xonalar uchun sifatli laminatdan foydalanish kerak. 33-klass laminat o‘tish darajasi yuqori bo‘lgan joylar — jamoat joylari, tijorat binolari, sport zallari, kinoteatrlar, tibbiyot muassasalari, mehmonxonalar, restoranlar va barlar uchun mos keladi.

Ish kabinetlari, yotoqxonalar va bolalar xonalari uchun laminat

Turar joylar uchun ekologik toza, yedirilishga chidamli va oson tozalanadigan pol qoplamalari tavsiya etiladi. O‘rta yuklanish darajasiga ega bo‘lgan yotoqxona va garderob xonalari uchun 31 yoki 32-klass laminat mos keladi. To‘g‘ri saqlanganda 31-klass laminat 10 yildan ortiq, 32-klass laminat esa 15 yilgacha xizmat qilishi mumkin.
 


Yana bir ko‘rsatkich borki, afsuski, deyarli hech kim u haqda bilmaydi — bu formaldegidning emissiya klassi bo‘lib, inson va hayvonlar uchun ekologik xavfsizlik darajasini anglatadi. Bolalar xonalariga ular sog‘lig‘i xavfsizligi uchun o‘ramida uning ekologik tozaligi va kanserogenning zararli dozalari yo‘qligini tasdiqlovchi "E1" maxsus belgisi boְ‘lgan laminatni tanlash tavsiya etiladi. Floorpan taniqli Turk brendiga mansub laminatlar tarkibida zararli kimyoviy moddalar saqlamaydi. Ishlab chiqaruvchi mahsulotning ekologik xavfsizligini kafolatlaydi, bu Germaniyaning “Blue Angel” sertifikati bilan tasdiqlanadi, antibakteriallik yuqori standartlariga muvofiqligini esa — “ЕРН” tasdiqlaydi.

Oshxona va dahliz uchun laminat

Ushbu xonalar uchun pol qoplamasi imkon qadar mustahkam va namlikka chidamli bo‘lishi kerak. Daxliz va oshxona — o‘rta o‘tuvchanlik darajasiga ega, pollarini esa boshqa xonalarnikiga nisbatan ko‘proq tozalash talab qilinadi. Shuning uchun bunday joylarga namlik va yedirilishga chidamli 32-klass laminatni tanlagan ma’qul. Floorpan laminatlari namlikning uzoq muddatli ta’siriga chidamli, harorat o‘zgarishida deformatsiyaga uchramaydi va deyarli yedirilmaydi. Laminat parafin va boshqa namlikni o‘tkizmaydigan maxsus vositalar bilan ishlov berilgan o‘ta mustahkam yog‘och tolali plita bilan himoyalangan.

Laminat qalinligi

Laminatni tanlashda yedirilishga chidamlilik sinfidan tashqari uning qalinligiga ham e’tibor qaratish kerak. Ishlab chiqaruvchilar 7, 8, 10 va 12 mm qalinlikdagi laminatlarni taklif qiladilar. Aslida material qanchalik qalin bo‘lsa, uning mustahkamlik xususiyatlari shunchalik yuqori bo‘ladi. Bunday laminatdan sifatsiz styajka qilingan xonalarda foydalanish mumkin. Biroq isitish tizimi o‘rnatilgan pollarda asos zaminni oldindan to‘g‘ri tayyorlash va ingichka laminat terish maqsadga muvofiqdir.



So‘nggi vaqtlarda xona dizaynlarida laminatning bir qancha ko‘rinishini uyg‘unlashtirish ko‘p uchramoqda. Biroq bunday kombinatsiyada turli brendlarga mansub laminatlar qalinligi bilan ham farq qilishini e’tiborga olish kerak. Bir qarashda shunchaki bir necha millimetrlardagi farq montaj jarayonida turli noxushliklarni keltirib chiqarishini ta’kidlab o‘tish joiz.

Dizayn

Xonaning barcha bezak materiallari bir-biriga mos — iliq yoki sovuq ranglarda amalga oshirilgan bo‘lsa, xona uyg‘un ko‘rinish kasb etadi. Bu, masalan, to‘q rangli pollar va och rangli devorlar kabi kontrastdan iborat bo‘lishi mumkin. Floorpan laminatida yog‘ochning taqlidi nihoyatda mukammal bo‘lib, ko‘rinishi va relyefi bo‘yicha tabiiy yog‘ochdan deyarli farq qilmaydi. Kompaniya assortimenti 70 dan ortiq o‘ziga xos va urfda bo‘lgan dizayndagi laminatlardan iborat bo‘lib, unda an’anaviy teksturadan tortib eksklyuziv dizayda ishlangan turlarini topish mumkin. Shunday ekan, Floorpan laminatlarining boy tanlovi va ulkan ranglar gammasi tufayli ajoyib optik effekt yaratish oson.

Laminat narxi

Qanchalik pulni tejashga harakat qilmang, arzonroq variantlarni sotib olib tajriba o‘tkazish maqsadga muvofiq emas. Axir, sotib olingan laminat xonangiz ekspluatatsiyasi uchun mutlaqo mos kelmasligi mumkin. Laminatning narxi nafaqat yedirilishga chidamlilik klassiga, balki yuqori himoya qoplamining sifatiga ham bog‘liq. Ayrim ishlab chiqaruvchilar HDF-asosdan tejashga harakat qiladilar, bu polning foydalanish xususiyatlariga va, shu bilan birga, uning chidamliliga juda katta salbiy ta’sir ko‘rsatadi.

Agar siz sifatli laminatni optimal narxda sotib olishni, narxlar yoki katalog bilan tanishishni va konsultatsiya olishni istasangiz, quyidagi raqamga qo‘ng‘iroq qiling: (71) 202 00 02. Kompaniya menejerlari barcha savollaringizga javob hamda buyurtma qilishingizgaga yordam beradilar.