Laminatni yotoqxona va mehmonxona, shuningdek yuqori oʻtuvchanlik va katta bosimga duch keladigan binolarda ham qoʻllash mumkin. Asosiysi — ushbu mashhur pol qoplamasi klassini toʻgʻri tanlash lozim.
Soʻnggi paytlarda oʻz sogʻligʻiga jiddiy eʼtibor qaratish urfga kirdi. Toʻgʻri ovqatlanish, sogʻlom turmush tarzi tarafdorlari, fitness klublariga faol tashrif buyuruvchilar tobora koʻpayib bormoqda. Biroq uyni taʼmirlash jarayonida kamdan-kam odam sogʻligʻi haqida qaygʻuradi. Odatda uy taʼmirida chiroyli dizayn, qulaylik va jismoniy xavfsizlikka koʻproq eʼtibor beriladi. Buning hech qanday yomon tomoni yoʻq, bitta “lekin”ini hisobga olmasa. Taʼmirlash vaqtida past sifatli qurilish materiallaridan foydalanish sogʻliqqa jiddiy xavf tugʻdirishi mumkin. Qolaversa, taʼmirlash ishlari har bir-ikki yilda yangidan amalga oshiriladigan jarayon emas. Endi tasavvur qiling-a, arzon narxlarda sotib olingan qurilish materiallari chiqaradigan toksinlardan siz va yaqinlaringiz necha yil nafas olasiz.
Yuqori sifat va hamyonbop narxlar Turkiyada ishlab chiqarilgan Floorpan laminati xaridorgirligining asosiy sabablaridan biridir. Narxidan tashqari, Floorpan bir qator afzalliklarga ega. Floorpan Yevropa standartlarining barcha talablariga javob beradi va yuqori darajada chidamlilik hamda uzoq vaqt xizmat qilishi bilan ajralib turadi. Montaj qilish va tozolashda oson, hech qanday maxsus usullarni talab qilmaydi. Ishonchingiz komil boʻlsinki, ushbu zamonaviy ekologik toza material oʻzidan hech qanday zararli moddalar chiqarmaydi, demak u butun oila uchun xavfsizdir! Buni tasdiqlovchi barcha zaruriy hujjatlar ham mavjud.
Turar joy binolari uchun pol qoplamalari
Turar joy binolari uchun Florpan laminati ideal variantdir. Materiallari ekologik jihatdan toza, sogʻliq uchun xavf tugʻdirmaydi va yoqimsiz kimyoviy hidlarga ega emas. Bundan tashqari, interyerga mos Floorpan tanlash juda ham oson. Dekorlarning modellari faskali yoki faskasiz, turli naqshlar, faktura va ranglar bilan ifodalanadi. Toʻplamda jami 50 dan ortiq rangdagi mahsulot mavjud. Anʼanaviy yogʻoch faktura tashqi koʻrinishi va qoʻlga sezilishi jihatdan tabiiy yogʻochdan deyarli farq qilmaydi. Floorpan laminatlari – istalgan didga mos keng tanlov!
Laminat tanlashda nimalarga eʼtibor qaratish lozim
Laminat yuza qoplamasining sifatiga qarab klasslarga boʻlinadi, bunda klasslar uning chidamlilik darajasini koʻrsatib beradi. Laminat tanlash boʻyicha universal tavsiyalar koʻpdan beri mavjudligiga qaramasdan, binoning individual xususiyatlarini ham hisobga olish muhim hisoblanadi. Ayrim binolarda laminatning namga chidamliligi muhim boʻlsa, boshqa binolarda mustahkamligi muhim, baʼzi joylar uchun och rangli laminat zarur boʻlsa, boshqa joylarga, aksincha, toʻq ranglilari kerak. Kastamonu tomonidan ishlab chiqariladigan Floorpan laminatlari mustahkamligi jihatidan 31, 32 va 33 klassga mansubdir. 31 va 32 klass laminatlar deyarli barcha turar joy binolari uchun mos tushadi. Bunday laminat namlikdan qoʻrqmaydi, uni tozalash juda oson, bu ayniqsa, kichik yoshdagi farzandlari bor oilalar uchun ham maqbul tanlov boʻladi.
Yotoqxona va garderobxonalar uchun 31 klass laminati mos keladi. Ehtiyotkorona ekspluatatsiyada ushbu klassga mansub laminat 10 yildan ortiq xizmat qilishi mumkin. Oshxona va koridor pollari tez-tez nam tozalanadi, shuning uchun bunday binolarga namlikka chidamli boʻlgan yuqori mustahkamlikdagi laminat tanlash maqsadga muvofiq. Bu talablarga 32 klass laminat toʻliq javob beradi. Uni tozalash ham oson. Bunday laminat bir nechta qatlamdan iborat boʻlib, har qanday ogʻirlik va namlikka chidamlidir, shuningdek, oʻz estetik koʻrinishini saqlagan holda uzoq vaqt xizmat qiladi.
Mustahkamlik va chidamlilikda qolishmaydigan 33 klassga mansub laminat universal hisoblanib, koʻp qatnovli bino va joylarga, yaʼni oʻtuvchanlik koʼp boʻladigan yerlarda, masalan, ofis, savdo zallari, restoranlar, kafe, tibbiyot muassasalari va boshqalarda foydalaniladi. 33 klass laminatning xizmat qilish muddati – 20 yil.
Nega Floorpanni tanlaydilar?
Laminat tanlovida uning sifatiga alohida eʼtibor qaratish lozim. Bunday holatda Floorpan pol qoplamalari eng toʻgʻri tanlov boʻladi, deb ishonch bilan ayta olamiz, zero ishlab chiqaruvchilar sizga quyidagilarni kafolatlaydi:
● Chizilish va qirilishlarga chidamlilik;
● Nuqtali yuklanishlar, masalan, ogʻir mebel bosimiga bardoshlilik;
● Issiq pol tizimlariga moslik;
● Xizmat qilish muddati uzoqligi;
● Oson tozalanishi;
● Mahsulotning ekologik jihatdan tozaligi;
● Yuqori texnologiyali ishlab chiqarish tufayli choklarning deyarli koʻrinmasligi va bu suv hamda chang toʻplanishidan himoya qilishi;
● Oʻziga xos dizayn, ideal aniqlik va tabiiy koʻrinish;
● Oson montaj.
Laminatni terish texnologiyasi sodda boʻlganligi tufayli bir xonada bir necha xil laminatni uygʻunlashtirish mumkin. Biroq dizaynerlik gʻoyalarini amalga oshirayotganda turli xil laminatlar qalinlik jihatidan ham farqlanishini eʼtiborga olish lozim. Turli ishlab chiqaruvchilarning laminatlarini aralash qoʻllayotganda, arzimas millimetrlardagi farq choklarning tekis yotishi bilan bogʻliq muammolarni keltirib chiqarishi mumkin. Shuning uchun bunday holatda bir brendga mansub laminatlarni sotib olishni maslahat beramiz. Bu terish va keyinchalik foydalanish jarayonida turli dilxiraliklarning oldini olishga imkon beradi.
