Hatto eng uzoq va murakkab ta’mir bir kunmas bir kun yakunlanadi. Nihoyat, uzoq mehnat va kutishlarning mevasini ko‘rish mumkin, ammo, natijani baholash yoqimli paytida ta’mirlashdan keyin hamma joy xohlaganchalik toza emasligi dilni xira qilganda nima qilish kerak?
Qurilish changi va qolgan materiallardan qutilish qiyinchilik tug‘dirmaydi, ammo nafaqat ziyonsiz chang, balki “yopishqoq” pardozlash elementlari qolgan bo‘lsa nima qilish kerak? Bugun biz sizga montaj ko‘pigi izlaridan qanday qutulish mumkinligini aytib beramiz. Agar siz mahkam o‘rnashgan va sarg‘ayishga ulgurgan qotib qolgan ko‘pik izlarini aniqlab qolsangiz uni olib tashlash ancha muammoli bo‘ladi. Ammo, xafa bo‘lishning hojati yo‘q, sabrli bo‘ling va bizning maslahatlarimizdan foydalaning.Agar montaj ko‘pigi oyna, plitka yoki metallda qolgan bo‘lsa uni yo‘q qilish murakkab emas. Avvalambor asosga maksimal darajada yaqin yuqori qatlamni kesib tashlash zarur, ammo buni yuzaga shikast yetkazmaslik va qo‘lni kesib olmaslik uchun maksimal ehtiyotlik bilan amalga oshirish kerak.
So‘ngra qolgan ko‘pikka maxsus eritgichni surtish kerak va yuzani qattiq gubka, skovorodkalarni tozalash uchun ishlatiluvchi gubkadan ham foydalansa bo‘ladi, bilan artiladi. Metall yuza va plitkani bir bo‘lak plastik bilan tozalash mumkin, asosiysi bunda sabrli va batartib bo‘lish kerak.
Lok bilan qoplangan yog‘och, linolium yoki plastik ancha delikat yuzalarni tozalash uchun ancha yumshoqroq usullardan foydalanish talab etiladi.
Montaj ko‘pigi uchun eritgich delikat yuzani shikastlashi mumkin. Shuning uchun bu yerda biz dimeksid nomi bilan mashxur dimetilsulfoksiddan foydalanishni taklif etamiz. Bu dori vositasi har bir dorixonada sotiladi va arzon turadi. Boshidanoq, bu vosita bo‘g‘imlardagi shamollashlarni kamaytirish uchun mo‘ljallangan edi, ammo u montaj ko‘pigini tozalash uchun juda ham mos keladi. Avvalambor dimeksidni dog‘ni barcha maydoniga qoplash va dog‘ yumshashi uchun bir necha daqiqaga qoldirish kerak. Bundan so‘ng, qattiq mochalka yordamida dog‘ni tozalanadi. Dimeksid bilan ishlash uchun zich qo‘lqoplarda amalga oshirish kerak. O‘zingizni xavfsizlantirish uchun dimeksid ta’sirini tekshirish uchun ko‘pikni tozalamoqchi bo‘lgan yuzaning ko‘rinmas joyiga ozgina bu vositani ishlatib ko‘ring.
