Ko‘pchilik kishilar pingvinlar sovqotmaydi, deb o‘ylashadi. Biroq ba’zan ular ham qattiq sovuq yeyishadi. Ular bir joyga guruh bo‘lib to‘planishadi va bir-birlarining pinjiga kirib isinishadi. Odamlarda isinish imkoniyatlari ko‘proq: nafaqat tanalari bilan, balki isitish tizimlari yordamida ham.
Mutaxassislar isitish radiatorlari ko‘p issiqlik beruvchi uskunalardir, deb ishontirishadi. Ularning konstruksiyasi shunday tuzilganki, faol ravishda havo almashinuvi sobir bo‘ladi, xonani isitish uchun unchalik ko‘p vaqt talab etilmaydi. Asosiysi, isitish qozoni yaxshi ishlasin, radiatorlarga haqiqiy issiq suv tushib tursin.
Faqat sovuq kunlar kelishi bilan isitish tizimining ishini baholash mumkin. Sovqotyapsizmi? Demak, markaziy isitish tizimi ishlamayapti.
Ko‘pchiligimiz isitish jihozlariga faqat sovuq tushganidan keyin e’tibor berib boshlaymiz. Bu haqda oldindan o‘ylagan ma’quldir. Xonadonlarda yashovchi kishilar quvurlar va ular tutashgan joylarning holatini tekshirishlari lozim, zarur hollarda esa servis xizmati mutaxassisini chaqirish kerak bo‘ladi.
Shuni tan olish kerakki, xususiy uylarda yashovchi kishilar xonadonlarda istiqomat qiluvchilarga qaraganda ancha ustunliklarga ega. Xonadondagilar isitish va santexnika jihozlari o‘rnatilgan tayyor yashash joyiga ega bo‘lishadi. Uning ko‘rsatkichlarini yaxshilashning deyarli iloji yo‘q, shahar isitish tizimi sifatiga ishonib yashashga to‘g‘ri keladi. Xususiy uylarning egalari esa tizimlarni loyihalab, ulardan maksimal foydalanish imkoniyatiga egadirlar.
Butun jarayonni boshidan oxirigacha kuzatish juda muhim. Loyihani yaratish va quvvatlarni hisoblash – birinchi qadam bo‘lsa, isitish uskunalarini montaj qilish, ularning ishlashini tekshirish – oxirgisidir. Ishga jalb etilgan mutaxassislar isitish qozonlarining zarur quvvatini eng ma’qul tomondan baholashlari lozim. Plastik quvurlar va isitish asboblarini sifatli montaj qilishlari kerak.
Qishda sovqotishni istamaysizmi? Elektr va gaz qozonlarini o‘rnatish, isitish tizimini ishga tushirish ishlarini o‘z ishining ustalariga topshiring. Xato katta xarajatlarga olib kelishi mumkin. Quvurlar va jihozlarni montaj qilgan brigadani keyin qayerdan izlaysiz? Diletantlar odatda o‘z ishlari uchun javob berishmaydi, obyektni topshirishganidan keyin darhol bog‘lanish vositalarini o‘zgartirishadi.
Isitish tizimini to‘liq o‘rnatib beruvchi va ta’mirlash ishlarini ham bajaruvchi mutaxassislarni qayerdan topsa bo‘ladi? Qozonni o‘rnatadigan, quvurlar va radiatorlarni montaj qiladigan, profilaktika o‘tkazib kamchiliklarni bartaraf etadigan ustalar qayerda?
Ustabor.uz portalida har bir kishi o‘z ustasini topadi. Bizning katalogimizda qurilish va ta’mirlash ishlari sohasidagi mutaxassislar haqida eng to‘liq ma’lumotlar yig‘ilgan. Har xil turdagi isitish tizimlari jihozlarini montaj qilish bilan shug‘ullanuvchi xususiy ustalar, kompaniyalar ifoda etilgan. Shuncha sovqotganingiz yetar! Yordamga murojaat eting.
