Mening to'g'rimda:

Issiqlik izolyatsiyasi - issiqlik uzatish jarayonini kamaytiradigan va konstruksiyada asosiy issiqlik qarshiligi rolini o'ynaydigan konstruksiyaviy elementlar. Bu atama, shuningdek, bunday elementlarni bajarish uchun materiallar yoki ularni o'rnatish bo'yicha chora-tadbirlar majmuini ham anglatishi mumkin. Issiqlik izolyatsiyasi ma'lum bir haroratni saqlash uchun zarur bo'lgan joyda issiqlik uzatishni kamaytirish uchun ishlatiladi, masalan: Qurilishda issiqlik izolyatsiyasi binolarning tashqi devorlari, tomlari, pollari va boshqalarni ichki va tashqi izolyatsiyalash uchun ishlatiladi. U sababli isitish yoki sovutish, konditsiyalash uchun energiya sarfi kamayadi. Kiyim va poyabzal ishlab chiqarishda. Kiyimning issiqlik izolyatsiyasi xususiyatlari tufayli odam uzoq vaqt davomida qattiq sovuqda ochiq havoda yoki sovuq suvda faol harakatsiz qolishi mumkin. Sovutish uskunalari, pechlarning korpuslarida yoki o'rab turuvchi konstruksiyalarida. Issiqlik izolyatsiyasi tufayli ichkarida kerakli haroratni saqlab turish uchun energiya xarajatlarini sezilarli darajada kamaytirish mumkin. Issiqlik trassalarining quvurlari uzatiladigan issiqlik tashuvchini sovishini yoki isitilishini kamaytirish uchun issiqlik izolatsiyasi bilan o'ralgan. Korroziyadan himoya qiladi. Issiqlik izolyatsiyasi bug'ni izolyatsiyalovchi (har doim ham emas) va shovqindan himoyalovchi xususiyatlarga ega. Idishlarni, rezervuarlarni, boylerlar (qozonlar)ni izolyatsiyalash. Olinadigan issiqlik izolyatsiyasi konstruksiyalari qo'llaniladigan quvur armaturalarini izolyatsiyalash.